श्री देवेंद्र फडणवीस
श्री एकनाथ शिंदे
श्री अजित पवार
श्री योगेश कदम
श्री पंकज भोयर
श्री इकबाल सिंग चहल
पोलीस प्रशिक्षण केंद्र, धुळे या ठिकाणी सत्र क्रमांक 11 मधील सर्व पोलीस प्रशिक्षणार्थीनी खडतर प्रशिक्षण यशस्वीरीत्यापुर्ण केल्याबद्दल मी आपले मनःपूर्वक अभिनंदन करतो.
आपल्या या प्रशिक्षण कालावधीत आपणास आंतरवर्गामध्ये नवीन कायदे, गुन्हे अन्वेषण, गुन्हे प्रतिबंध, न्याय सहाय्यक विज्ञान, कायदा व सुव्यवस्था, प्रज्ञावंत पोलीस तसेच व्यक्तिमत्व विकास यासारख्या विषयांचे ज्ञान देण्यात आले आहे. तसेच बाह्यवर्ग प्रशिक्षणा दरम्यान कवायत, फिल्ड क्राफ्ट अॅन्ड टॅक्टीस व आधुनिक काळात घडत असलेल्या सायबर गुन्ह्यांसारख्या महत्वाच्या विषयात दर्जेदार व महत्वाचे प्रशिक्षण आपणास प्रदान करण्यात आलेले आहे. यासोबत आपणास संगणकाचे ज्ञान हे सुध्दा देण्यात आले याचा आपण भावी आयुष्यात जनतेचे प्रश्न सोडविण्यासाठी नक्कीच उपयोग कराल याची मला खात्री आहे.
शिस्त हा पोलीस खात्याचा कणा आहे. त्या शिस्तीचे अनुकरण करुन आपण धैर्य, विवेक, सामर्थ्य, सचोटी व प्रामाणिकपणा इ. बाबत चुणक दाखवुन या संस्थेची व महाराष्ट्र पोलीस दलाची किर्ती व नावलौकीक वाढवाल अशी आशा बाळगतो.
विजय व्ही. पवार
पोलीस प्रशिक्षण केंद्र, धुळे.
मानसाने कायम विद्यार्थी/आज्ञाथी राहुन नवनवीन ज्ञान आत्मसात करावे जेणेकरुन भविष्यात येणाऱ्या आव्हानांना सामोरे जाता येईत. आपल्या भावी आयुष्याच्या वाटचालीस शुभेच्छा देताना असे सांगू इच्छीतो की, प्रत्येकाच्या जीवनात ज्ञान ही न संपणारी प्रक्रिया असून या पुढे सुध्दा कर्तव्यावर असतांना वेळोवेळी आवश्यक असणाऱ्या प्रत्येक विषयाचे परीपूर्ण ज्ञान प्राप्त करून विविध आव्हानाना तोंड देण्यासाठी कठोर व खडतर मेहनत घेवून जनतेची सेवा करण्याचे व्रत अंगीकाराल व कुठल्याही प्रलोभनांना, अमिषांना बळी न पडता आपण आपले कर्तव्य पार पाडुन आपले शारिरीक, मानसिक स्वास्थ्य सदृढ व निरोगी ठेवाल अशी आशा बाळगतो.
या स्मरणिकेला व आपल्या पुढील वाटचालीस माझ्याकडून व पोलीस प्रशिक्षण केंद्र, धुळे येथील सर्व अधिकारी, अंमलदार यांच्याकडुन अनेक शुभेच्छा…
पोलीस प्रशिक्षण केंद्र, धुळे
पोलीस प्रशिक्षण केंद्र, धुळे हे महाराष्ट्रातील निरनिराळया जिल्हयातुन पोलीस दलात प्रवेश करणाऱ्या पोलीस शिपाई यांना मुलभूत प्रशिक्षण देण्यासाठी महाराष्ट्र शासन निर्णयानुसार दि.16 एप्रिल 2010 पासून सुरु करण्यात आले आहे.
या प्रशिक्षण केंद्रात आजपर्यंत 882 कवायत निदेशक यांना 12 सत्रात यशस्वी प्रशिक्षण देण्यात आलेले असुन सदर कवायत निदेशक हे महाराष्ट्र राज्यातील विविध पोलीस प्रशिक्षण संस्था येथे व घटकात नव्याने नियुक्ती व भरती झालेले पोलीस अधिकारी व अंमलदार यांना वाह्यवर्गाचे उत्कृष्ट प्रशिक्षण देवुन सक्षम अधिकारी व अंमलदार घडवित आहेत.